वीरमाता, वीरपत्नींच्या त्यागाला सलाम; आमदारांकडूनही कुटुंबीयांच्या त्यागाचा गौरव, शासन सदैव पाठीशी – पालकमंत्री नरहरी झिरवाळ शिरडशहापूर येथे ‘वीर योद्धा परिवार सन्मान सोहळा’ भावपूर्ण वातावरणात थाटात संपन्न

वीरमाता, वीरपत्नींच्या त्यागाला सलाम; आमदारांकडूनही कुटुंबीयांच्या त्यागाचा गौरव, शासन सदैव पाठीशी – पालकमंत्री नरहरी झिरवाळ
शिरडशहापूर येथे ‘वीर योद्धा परिवार सन्मान सोहळा’ भावपूर्ण वातावरणात थाटात संपन्न

लोकमंच टाईम्स: हरणामसिंग चव्हाण

हिंगोली:
देशाच्या रक्षणासाठी आपल्या प्राणांची आहुती देणाऱ्या वीर जवानांच्या वीरमाता आणि वीरपत्नींचे योगदान अतुलनीय आहे. आपल्या पतीचे किंवा मुलाचे दुःख मनात ठेवूनही त्यांनी देशासाठी आणि समाजासाठी मोठा त्याग केला आहे. त्यांच्या या त्यागाला आणि योगदानाला सलाम असून, शासन व समाज म्हणून सर्वजण वीरमाता, वीरपत्नी तसेच त्यांच्या कुटुंबीयांच्या सदैव पाठीशी आहोत, असे प्रतिपादन पालकमंत्री नरहरी झिरवाळ यांनी केले.
औंढा नागनाथ तालुक्यातील शिरडशहापूर येथील श्री शांती विद्या मंदिराच्या प्रांगणात स्वातंत्र्य दिनानिमित्त आयोजित ‘वीर योद्धा परिवार सन्मान सोहळ्यात’ ते बोलत होते.
प्रमुख उपस्थिती
कार्यक्रमाला मुनिश्री १०८ अक्षयसागर महाराज, मुनिश्री १०८ उपशमयसागर महाराज, आमदार चंद्रकांत उर्फ राजू नवघरे, जिल्हाधिकारी राहुल गुप्ता, मुख्य कार्यकारी अधिकारी विवेक गायकवाड, जिल्हा पोलीस अधीक्षक डॉ. श्रेणिक लोढा, उपविभागीय अधिकारी विकास माने, तहसीलदार हरिष गाडे आणि मिलिंद यंबल यांच्यासह अनेक मान्यवर उपस्थित होते.
चार जिल्ह्यांतील वीरकुटुंबीयांचा सत्कार
देशरक्षणासाठी प्राणांचे बलिदान दिलेल्या हिंगोली, परभणी, नांदेड आणि छत्रपती संभाजीनगर जिल्ह्यातील वीर जवानांच्या वीरमाता व वीरपत्नींचा पालकमंत्री नरहरी झिरवाळ यांच्या हस्ते विशेष सन्मान करण्यात आला.
महत्त्वाचे निर्णय व भाषणे
आमदार राजू नवघरे यांच्याकडून कौतुक आमदार चंद्रकांत उर्फ राजू नवघरे यांनी आपल्या समयोचित भाषणातून वीर जवानांच्या कुटुंबीयांच्या अतुलनीय त्यागाचे मनापासून कौतुक केले.
शाळेसाठी सोलर व्यवस्था श्री शांती विद्या मंदिरासाठी आवश्यक असलेल्या सोलर व्यवस्थेसाठी निधी उपलब्ध करून देण्याचे महत्त्वाचे आश्वासन पालकमंत्री झिरवाळ यांनी यावेळी दिले.
विशेष सत्कार कार्यक्रमादरम्यान शाळेच्या वतीने पालकमंत्री नरहरी झिरवाळ यांचा यथोचित सत्कार करण्यात आला.
कार्यक्रमाचे प्रास्ताविक मिलिंद यंबल यांनी केले. वीर जवानांच्या कुटुंबीयांचा सन्मान आणि त्यांच्या त्यागाप्रती कृतज्ञता व्यक्त करणारा हा सोहळा अत्यंत भावपूर्ण वातावरणात पार पडला.