वसमत मतदारसंघात अतिवृष्टीचा इशारा: आमदार राजू भैया नवघरे यांचे नागरिकांना सतर्कतेचे व काळजी घेण्याचे आवाहन

वसमत मतदारसंघात अतिवृष्टीचा इशारा: आमदार राजू भैया नवघरे यांचे नागरिकांना सतर्कतेचे व काळजी घेण्याचे आवाहन

वसमत: वसमत विधानसभा मतदारसंघाचे आमदार राजू भैया नवघरे यांनी मतदारसंघातील सर्व नागरिकांना, शेतकऱ्यांना व महिलांना अतिवृष्टीच्या पार्श्वभूमीवर विशेष काळजी घेण्याचे आणि सतर्क राहण्याचे नम्र आवाहन केले आहे.
गेल्या काही दिवसांपासून परिसरात सुरू असलेल्या पावसानंतर आता प्रशासनाकडून मुसळधार ते अतिवृष्टीचे संकेत प्राप्त झाले आहेत. आज दुपारनंतर पावसाचा जोर वाढण्याची शक्यता वर्तवण्यात आली आहे. या आपत्कालीन परिस्थितीत कोणत्याही प्रकारची जीवित वा वित्तहानी होऊ नये, यासाठी प्रत्येकाने खबरदारी बाळगणे गरजेचे असल्याचे त्यांनी सांगितले.
आमदार राजू भैया नवघरे यांनी केलेल्या मुख्य सूचना व आवाहन
नदी व ओढ्याकाठच्या रहिवाशांना इशारा नदी, नाले आणि ओढ्याकाठी राहणाऱ्या नागरिकांनी व शेतकऱ्यांनी विशेष सतर्कता बाळगावी आणि पुराच्या पाण्याजवळ जाणे टाळावे.
शेतकरी व महिलांसाठी सूचना शेतात कामासाठी जाणाऱ्या महिला व नागरिकांनी दुपारच्या आधीच सुरक्षितपणे घरी परतावे.
प्रशासन अलर्ट मोडवर तहसीलदार, जिल्हाधिकारी, कृषी विभागाचे अधिकारी, ग्रामसेवक तसेच नगरपालिकेच्या सर्व यंत्रणांना तत्पर राहून आवश्यक त्या सर्व उपाययोजना करण्याच्या आणि नागरिकांना सहकार्य करण्याच्या सूचना देण्यात आल्या आहेत.
“निसर्गाच्या या संकटाचा सामना करण्यासाठी संपूर्ण प्रशासन सज्ज आहे. नागरिकांनी अजिबात न घाबरता योग्य ती काळजी घ्यावी आणि सुरक्षित राहावे,” असे आवाहन आमदार नवघरे यांनी केले आहे.