संभाजीनगरमध्ये देवेंद्र फडणवीस यांच्या नेतृत्वात ‘भव्यदिव्य तिरंगा यात्रा’ उत्साहात संपन्न; भाजपच्या दिग्गज नेत्यांची अथांग उपस्थिती!

संभाजीनगरमध्ये देवेंद्र फडणवीस यांच्या नेतृत्वात ‘भव्यदिव्य तिरंगा यात्रा’ उत्साहात संपन्न; भाजपच्या दिग्गज नेत्यांची अथांग उपस्थिती!

छत्रपती संभाजीनगर:लोकमंच टाईम्स

आज शहरात महाराष्ट्राचे लाडके मुख्यमंत्री श्री. देवेंद्रजी फडणवीस साहेब यांच्या खंबीर व कणखर नेतृत्वाखाली ‘भव्यदिव्य तिरंगा यात्रा’ अत्यंत उत्साहात आणि ऐतिहासिक वातावरणात यशस्वीपणे संपन्न झाली. हातात तिरंगा घेऊन हजारो नागरिकांनी लावलेल्या ‘भारत माता की जय’च्या घोषणांनी संपूर्ण संभाजीनगर शहर दुमदुमून गेले होते.
या भव्य रॅलीमध्ये भारतीय जनता पार्टीचे प्रदेशाध्यक्ष रवींद्रदादा चव्हाण, मंत्री पंकजाताई मुंडे, अतुलभाऊ सावे, गिरीशभाऊ महाजन, मेघनाताई बोर्डीकर यांच्यासह माजी केंद्रीय मंत्री रावसाहेब दानवे पाटील, खासदार अशोक चव्हाण, खासदार रामराव वडकुते आणि आमदार राणादादा पाटील यांची प्रमुख उपस्थिती लाभली होती.
मराठवाड्याचे नेतृत्व अन् जनसागराचा अभूतपूर्व उत्साह
या तिरंगा यात्रेत मराठवाड्यातील सर्व सन्माननीय आमदार, विविध जिल्ह्यांचे जिल्हाध्यक्ष, पक्षाचे सर्व ज्येष्ठ पदाधिकारी आणि कार्यकर्ते मोठ्या संख्येने सहभागी झाले होते.
महिला व युवा वर्गाचा मोठा सहभाग: रॅलीचे मुख्य वैशिष्ट्य म्हणजे या यात्रेत माता-भगिनींचा (महिला वर्ग) आणि तरुण युवा वर्गाचा प्रचंड भरगच्च प्रतिसाद पाहायला मिळाला.
देशभक्तीचे वातावरण संपूर्ण रॅलीच्या मार्गावर ठिकठिकाणी तिरंग्याचे भव्य स्वागत करण्यात आले असून देशभक्तीपर गीतांनी आणि उत्साही वातावरणाने शहरात एक वेगळाच देशभक्तीचा रंग भरला होता.
नेतृत्वाच्या ध्यासामुळे आणि नागरिकांच्या प्रचंड प्रतिसादामुळे ही तिरंगा यात्रा संभाजीनगरच्या इतिहासात सुवर्ण अक्षरांनी नोंदवली जाणारी ठरली आहे.