श्री शिवेश्वर महादेव मंदिरात श्रावण मासानिमित्त महाप्रसाद पंगत २ संपन्न; भाविकांची मोठी उपस्थिती

श्री शिवेश्वर महादेव मंदिरात श्रावण मासानिमित्त महाप्रसाद पंगत २ संपन्न; भाविकांची मोठी उपस्थिती

वसमत (लोकमंच टाईम्स: प्रतिनिधी):
पवित्र श्रावण महिन्याचे औचित्य साधून स्टेशन रोड, वसमत येथील श्री शिवेश्वर महादेव मंदिर येथे महाप्रसाद पंगत क्रमांक २ चा कार्यक्रम अत्यंत उत्साहात आणि भक्तिमय वातावरणात पार पडला.
शनिवार, २४ ऑगस्ट २०२४ रोजी आयोजित या धार्मिक कार्यक्रमात सकाळी ६:०० वाजेपर्यंत सर्व यजमानांच्या हस्ते महादेवाचा अभिषेक करण्यात आला. त्यानंतर दुपारी १२:०५ वाजता महाआरती संपन्न होऊन महाप्रसादाचे वाटप सुरू करण्यात आले. दुपारी १२:०५ ते सायंकाळी ४:०० वाजेपर्यंत हजारो शिवभक्तांनी सहकुटुंब उपस्थित राहून या महाप्रसादाचा लाभ घेतला.
या प्रसंगी महाप्रसादाचे यजमान म्हणून मनमथशेठ बेले, सूर्यकांतशेठ कुलथे, विजयशेठ कडतन, सुनीलशेठ काबरा, अनिलशेठ अग्रवाल, सचिनशेठ कापूसकरी आणि विक्कीशेठ बोग्गेवार यांनी सेवा बजावली.
कार्यक्रम यशस्वीरीत्या पार पाडण्यासाठी श्री शिवेश्वर महादेव मंदिर सेवेकरी व श्री शिवेश्वर महादेव मंदिर अन्नदान समितीच्या सर्व सदस्यांनी परिश्रम घेतले. परिसरातील भाविकांनी या अन्नदानाच्या उपक्रमाचे विशेष कौतुक केले.