वसमत शहरात लोकशाहीर अण्णाभाऊ साठे यांची जयंती उत्साहात साजरी; सोमवारा पेठ, नगरपरिषद व बाजार समितीत विविध उपक्रम!

वसमत शहरात लोकशाहीर अण्णाभाऊ साठे यांची जयंती उत्साहात साजरी; सोमवारा पेठ, नगरपरिषद व बाजार समितीत विविध उपक्रम!

वसमत (विशेष प्रतिनिधी):

वसमत शहरात आज डॉ. लोकशाहीर अण्णाभाऊ साठे यांची जयंती अत्यंत उत्साहात, भक्तिमय व प्रेरणादायी वातावरणात साजरी करण्यात आली. शहरातील विविध कार्यालये, समाज मंडळे आणि संस्थांच्या वतीने अण्णाभाऊंच्या प्रतिमेस अभिवादन करून त्यांच्या विचारांना उजाळा देण्यात आला.
१. सोमवार पेठ मातंगवाड्यात जयघोष आणि अभिवादन
वसमत शहरातील सोमवार पेठ, मातंगवाडा येथील साठे चौक परिसरात जयंती उत्सव मोठ्या थाटामाटात पार पडला. कार्यक्रमाच्या सुरुवातीला लोकशाहीर अण्णाभाऊ साठे यांच्या प्रतिमेस पुष्पहार अर्पण करून विनम्र अभिवादन करण्यात आले.
याप्रसंगी माजी नगराध्यक्ष महेश भिसे, अविनाश गायकवाड, माजी नगरसेवक रविकिरण वाघमारे, मनोज चव्हाण, अभय जैन व प्रथमेश जैन यांनी विशेष उपस्थिती लावून लोकशाहीरांच्या क्रांतिकारी विचारांवर प्रकाश टाकला. या प्रसंगी मातंग समाज बांधव, युवक व महिला भगिनी मोठ्या संख्येने उपस्थित होत्या. संपूर्ण परिसर अण्णाभाऊंच्या जयघोषाने दुमदुमून गेला होता.
२. वसमत नगरपरिषद कार्यालयात कर्मचारी जयंती उत्सव समितीचा उपक्रम
वसमत नगरपरिषद कर्मचारी जयंती उत्सव समितीच्या वतीने ‘दत्ता चौगुले सभागृह’ येथे डॉ. लोकशाहीर अण्णाभाऊ साठे यांची जयंती मोठ्या दिमाखात साजरी करण्यात आली.
कार्यक्रमाचे दीपप्रज्वलन नगराध्यक्ष सौ. बाहेती मॅडम यांच्या हस्ते पार पडले. याप्रसंगी नगरपरिषदेचे सर्व सन्माननीय नगरसेवक, अधिकारी, कर्मचारी व महिला भगिनी मोठ्या संख्येने उपस्थित होत्या.
३. वसमत कृषी उत्पन्न बाजार समिती कार्यालयात हमाल-मापाडी संघटनेतर्फे जयंती
वसमत कृषी उत्पन्न बाजार समिती कार्यालयाच्या आवारात हमाल-मापाडी संघटनेच्या वतीने जयंती सोहळ्याचे आयोजन करण्यात आले होते.
यावेळी बाजार समितीचे सभापती तानाजी बेंडे यांच्या हस्ते ध्वजारोहण करण्यात आले. या कार्यक्रमास दौलत हुबाड, काबरा, विनोद झंवर, माहागावकर साहेब यांच्यासह जयंती मंडळाचे अध्यक्ष, उपाध्यक्ष, सचिव, समाज बांधव व महिला मोठ्या संख्येने उपस्थित होत्या.
थोडक्यात सर्वत्र उत्साह… शहरातील सामाजिक, शासकीय व व्यापारी संघटनांच्या विविध कार्यालयांमध्ये अण्णाभाऊ साठे यांच्या जयंतीनिमित्त अभिवादनाचे कार्यक्रम पार पडले असून, वसमत शहरात सर्वत्र उत्साहाचे वातावरण पाहायला मिळाले.

लोकमंच टाईम्स
मुख्य संपादक: हरनामसिंग चव्हाण
छाया: नागेश चव्हाण, वसमत