विशेष वृत्त: पोलीस निरीक्षक संतोष केंद्रे यांचे शौर्य महाराष्ट्र पोलिसांच्या कर्तव्यनिष्ठेचा गौरव वाढवणारे! — खा. अशोक चव्हाण

विशेष वृत्त: पोलीस निरीक्षक संतोष केंद्रे यांचे शौर्य महाराष्ट्र पोलिसांच्या कर्तव्यनिष्ठेचा गौरव वाढवणारे! — खा. अशोक चव्हाण

लोकमंच टाईम्स: हरणामसिंग चव्हाण

नांदेड:
पंजाबचे माजी उपमुख्यमंत्री सुखबीरसिंह बादल यांच्यावर नांदेड येथे झालेल्या हल्ल्याच्या प्रसंगी स्वतःच्या जीवाची पर्वा न करता, अत्यंत प्रसंगावधान राखून त्यांचे प्राण वाचवणारे शूर पोलीस निरीक्षक संतोष केंद्रे यांचे आज विशेष अभिनंदन करण्यात आले.
त्यांच्या या धाडसी कामगिरीबद्दल बोलताना महाराष्ट्राचे माजी मुख्यमंत्री तथा खासदार अशोक चव्हाण यांनी पोलीस निरीक्षक केंद्रे यांच्या शौर्याचे भरभरून कौतुक केले.
शौर्य आणि प्रसंगावधानाची देशभरात प्रशंसा
खासदार अशोक चव्हाण म्हणाले, “धोक्याची व स्वतःच्या जीवाची किंचितही पर्वा न करता, क्षणाचाही विलंब न लावता संतोष केंद्रे यांनी आपले कर्तव्य बजावले. त्यांनी दाखवलेले शौर्य आणि प्रसंगावधान हे संपूर्ण महाराष्ट्र पोलिसांच्या उच्च कर्तव्यनिष्ठेचा आणि परंपरेचा गौरव वाढवणारे आहे.”
पुढे बोलताना त्यांनी स्पष्ट केले की, केंद्रे यांच्या या अत्यंत धाडसी कामगिरीची प्रशंसा केवळ महाराष्ट्रातूनच नव्हे, तर देशभरातून होत असून ही संपूर्ण महाराष्ट्रासाठी अत्यंत अभिमानाची बाब आहे.
संतोष केंद्रे यांच्या या समयसूचकतेमुळे एक मोठी अनर्थकारी घटना टळली असून, सर्व स्तरांतून त्यांच्यावर कौतुकाचा वर्षाव होत आहे.
📍 नांदेड | 🗓️ १५ ऑगस्ट २०२६