वसमत येथील स्वामी समर्थ मंदिरात गुरुपौर्णिमा उत्सव मोठ्या उत्साहात संपन्न!
वसमत:
वसमत येथील बँक कॉलनी स्थित स्वामी समर्थ मंदिर येथे गुरुपौर्णिमेनिमित्त परब्रह्म भगवान श्री स्वामी समर्थ महाराजांचा गुरु पूजन सोहळा अत्यंत भक्तिमय वातावरणात आणि मोठ्या उत्साहात पार पडला.
या प्रसंगी श्री स्वामी समर्थ महाराजांच्या मूर्तीचे व पादुकांचे शास्त्रोक्त पद्धतीने पूजन करण्यात आले. दिवसभर मंदिरात विविध धार्मिक व आध्यात्मिक कार्यक्रमांचे आयोजन करण्यात आले होते. ‘श्री स्वामी समर्थ’ च्या जयघोषाने आणि नामस्मरणाने संपूर्ण परिसर भक्तिमय झाला होता.
या मंगल प्रसंगी स्वामी समर्थ मंदिरातील सर्व सेवेकरी, भाविक भक्त, तसेच महिला भगिनी मोठ्या संख्येने उपस्थित होत्या. दर्शनासाठी आणि गुरुपूजनासाठी सकाळपासूनच भाविकांची मंदिरामध्ये मोठी गर्दी दिसून आली. उपस्थित सर्व भाविकांना शेवटी महाप्रसादाचे वाटप करण्यात आले.
छाया :नागेश चव्हाण
