अल्पवयीन मुलीचा पाठलाग व छेडछाड प्रकरणी संशयित आरोपीविरुद्ध पोक्सो आणि ॲट्रॉसिटी कायद्यान्वये कारवाई

• अल्पवयीन मुलीचा पाठलाग व छेडछाड प्रकरणी संशयित आरोपीविरुद्ध पोक्सो आणि ॲट्रॉसिटी कायद्यान्वये कारवाई

वसमत (विशेष प्रतिनिधी):
वसमत शहर पोलीस ठाण्याच्या हद्दीत राहणाऱ्या एका १४ वर्षीय अल्पवयीन शाळकरी मुलीचा पाठलाग करून, हात पकडून छेडछाड करणे तसेच तिचे फोटो एडिट करून सोशल मीडियावर व्हायरल करण्याची धमकी दिल्याचा गंभीर प्रकार उघडकीस आला आहे. या प्रकरणी वसमत शहर पोलीस ठाण्यात एका संशयित आरोपीविरुद्ध भारतीय न्याय संहिता (BNS), पोक्सो (POCSO) कायदा आणि अनुसूचित जाती-जमाती (अत्याचार प्रतिबंधक) कायद्यान्वये (ॲट्रॉसिटी) गुन्हा दाखल करण्यात आला आहे.
नेमकी घटना काय?
पोलीस सूत्रांकडून आणि दाखल एफ.आय.आर.वरून मिळालेल्या माहितीनुसार, पीडित १४ वर्षीय मुलगी आपल्या कुटुंबासह वसमत येथील
दिनांक २७ जुलै २०२६ रोजी सकाळी १०:०० वाजताच्या सुमारास, शाळा सुटल्यानंतर मुलगी पायी घरी जात असताना सोमवार पेठ येथील मंदिराच्या जवळ संशयित आरोपी याने तिला अडवून तिचा हात पकडला आणि बोलण्याचा प्रयत्न केला. मुलीने त्यास नकार दिला असता, आरोपीने “तू माझ्याशी बोलली नाहीस तर तुझे फोटो एडिट करून इंटरनेटवर व्हायरल करेन” अशी धमकी दिली.
त्यानंतर आरोपीने पीडितेच्या आईच्या मोबाईलवर फोन करून “तुझ्या मुलीला माझ्याशी बोलू दे, नाहीतर तिचे फोटो व्हायरल करेन आणि तुम्हा सर्वांना जिवे मारेन” अशी धमकी दिल्याचे तक्रारीत नमूद करण्यात आले आहे. आरोपी मागील ५ ते ६ महिन्यांपासून सतत मुलीचा पाठलाग करून तिला मानसिक त्रास देत होता.
पोलीस कारवाई व कायदेशीर कलमे
सततच्या छेडछाडीला आणि धमक्यांना कंटाळून पीडित मुलीने दिलेल्या तक्रारीवरून वसमत शहर पोलिसांत दिनांक ३१ जुलै २०२६ रोजी रात्री गुन्हा नोंदवण्यात आला आहे. पुढील तपास पोलीस अधिकारी करत आहे