वसमतच्या सिराज कॉलनीत उत्साहात पार पडला पंचशील ध्वजारोहण सोहळा

वसमतच्या सिराज कॉलनीत उत्साहात पार पडला पंचशील ध्वजारोहण सोहळा

लोकमंच टाईम्स: हरनामसिंग चव्हाण

वसमत (विशेष प्रतिनिधी):
वसमत शहरातील सिराज कॉलनी येथील विश्वशांती बुद्ध विहार येथे रविवारी, दि. ६ सप्टेंबर २०२६ रोजी पंचशील ध्वजारोहण कार्यक्रम अत्यंत उत्साहात आणि मंगलमय वातावरणात पार पडला.
पूज्य भंते पय्याबोधी महाथेरो यांच्या पावन हस्ते पंचशील ध्वजारोहण करण्यात आले. या कार्यक्रमाला सत्कारमूर्ती म्हणून वसमतचे उपनगराध्यक्ष राजेंद्रकुमार एंगडे यांची प्रमुख उपस्थिती लाभली होती. तसेच मुंबई येथील युवा उद्योजक बालाजी शिवभगत, विजय कुमार एंगडे, आविष्कार मनोहरे, गौतम वाव्हळे व रणधीर तेलगोटे यांची विशेष उपस्थिती होती.
या प्रसंगी विविध क्षेत्रातील नगरसेवक, सामाजिक कार्यकर्ते, विविध संघटनांचे पदाधिकारी आणि महिला मंडळाच्या सदस्यांनी मोठ्या संख्येने हजेरी लावली. उपस्थित मान्यवरांनी पंचशील ध्वजाला वंदन करून समाजात शांतता, सामाजिक एकता आणि बंधुभाव जोपासण्याचा महत्त्वपूर्ण संदेश दिला.
सदर कार्यक्रमाचे उत्कृष्ट आयोजन रमाई महिला मंडळ, सिराज कॉलनी, वसमत यांच्या वतीने करण्यात आले होते. कार्यक्रमाच्या यशस्वीतेसाठी मंडळाच्या सदस्यांनी व स्थानिक नागरिकांनी विशेष परिश्रम घेतले.
(छाया: नागेश चव्हाण, वसमत)