आमदार राजू भैया नवघरे यांच्याकडून विकासकामांची पाहणी व भोसले परिवारातर्फे सत्कार

आमदार राजू भैया नवघरे यांच्याकडून विकासकामांची पाहणी व भोसले परिवारातर्फे सत्कार

वसमत (लोकमंच टाईम्स: विशेष प्रतिनिधी) :
वसमत शहरातील कवठा रोड येथील श्री कृष्ण मंदिर परिसर सभागृहासाठी वसमत विधानसभेचे लोकप्रिय आमदार राजू भैया नवघरे यांनी नुकताच भरीव निधी मंजूर केला होता. या मंजूर निधीतून पूर्ण झालेल्या व प्रस्तावित सभागृहाच्या बांधकामाची पाहणी आज आमदार राजू भैया नवघरे यांनी प्रत्यक्ष घटनास्थळी भेट देऊन केली.
तसेच परभणी जिल्हा मध्यवर्ती सहकारी बँकेच्या निवडणुकीत घवघवीत यश संपादन करून संचालकपदी निवडून आल्याबद्दल श्री कृष्ण मंदिर परिसरात समस्त भोसले परिवार व श्री खेडकर बाबा यांच्या वतीने आमदार राजू भैया नवघरे यांचा शाल, श्रीफळ व पुष्पगुच्छ देऊन भव्य सत्कार करण्यात आला.
या प्रसंगी आमदार नवघरे यांनी उपस्थितांशी संवाद साधत परिसराच्या विकासासाठी नेहमी कटिबद्ध असल्याचे सांगितले. या पाहणी व सत्कार सोहळ्याच्या वेळी समस्त भोसले परिवारातील सदस्य, स्थानिक नागरिक आणि गल्लीतील रहिवासी मोठ्या संख्येने उपस्थित होते.
छाया : नागेश चव्हाण, वसमत