पहिल्या श्रावणी सोमवारी औंढा नागनाथ मतदारसंघात शिवभक्तीचा जागर; आमदार राजू भैया नवघरे यांच्याकडून मंदिरांमध्ये फराळ वाटप

पहिल्या श्रावणी सोमवारी औंढा नागनाथ मतदारसंघात शिवभक्तीचा जागर; आमदार राजू भैया नवघरे यांच्याकडून मंदिरांमध्ये फराळ वाटप

लोकमंच टाईम्स:हरनामसिंग चव्हाण

वसमत / औंढा नागनाथ:
श्रावण महिन्यातील पहिल्या सोमवारी संपूर्ण परिसरात शिवभक्तीचे चैतन्य पसरले असून, भाविक भोलेनाथाच्या नामस्मरणात लीन झाले आहेत. वसमत विधानसभा तील हिंगोली जिल्ह्यातील १२ ज्योतिर्लिंगांपैकी आठवे ज्योतिर्लिंग असलेल्या औंढा नागनाथचे प्रतिनिधित्व करणारे स्थानिक आमदार राजू भैया नवघरे यांनी पहिल्या श्रावणी सोमवारचे औचित्य साधून विविध मंदिरांना भेटी देत भाविकांना फराळाचे वाटप केले.
दिवसभरात मतदारसंघातील विविध प्रसिद्ध आणि श्रद्धास्थानांवर फराळ वाटपाचा कार्यक्रम आयोजित करण्यात आला होता. आमदार नवघरे यांनी स्वतः मंदिरांमध्ये जाऊन महादेवाचे दर्शन घेतले आणि भाविकांना फराळाचा प्रसाद वितरित केला. यावेळी त्यांनी उपस्थित नागरिकांशी आणि भाविकांशी आपुलकीने संवाद साधला.
फराळ वाटप करण्यात आलेली प्रमुख श्रद्धास्थाने:
📍 नागनाथ मंदिर, औंढा नागनाथ – 🔱 अत्यंत पवित्र आणि पावन ज्योतिर्लिंग धाम
📍 शिवेश्वर महादेव मंदिर, वसमत शहर – 🕉️ वसमत शहराचे मुख्य श्रद्धास्थान व जागृत देवस्थान
📍 खोडकेश्वर महादेव मंदिर, सोमठाणा – 🚩 ऐतिहासिक आणि भाविकांचे विशेष श्रद्धास्थान
📍 महादेव मंदिर, इंजनगाव – 🛕 पावन शिवस्थान
📍 महादेव मंदिर, पिंपळा चौरे – 🙏 भक्तांचे मनोभावे पूजनीय स्थान
📍 महादेव मंदिर, थोरावा – 🌸 श्रद्धेने नटलेले महादेव स्थान
📍 महादेव मंदिर, कौठा – 🔱 ग्रामस्थांचे आदरणीय शिवस्थान
📍 महादेव मंदिर, सेंदुरसेना – 🕉️ धार्मिक परंपरेचे केंद्र
📍 महादेव मंदिर, हयातनगर – 🚩 भक्ती आणि निष्ठेचे प्रतीक
याप्रसंगी बोलताना आमदार राजू भैया नवघरे म्हणाले, “ओम नमः शिवाय! श्रावणी सोमवारनिमित्त सर्वत्र भक्तीचे वातावरण आहे. बारा ज्योतिर्लिंगांपैकी एक असलेल्या औंढा नागनाथ क्षेत्राचे प्रतिनिधित्व करायला मिळणे हे माझे परमभाग्य आहे. आज दिवसभरात भाविकांची सेवा करण्याची आणि त्यांच्यासोबत फराळाचा प्रसाद घेण्याची संधी मिळाली, ज्यामुळे आजचा श्रावणी सोमवार अत्यंत विशेष ठरला.”
या उपक्रमादरम्यान बाळू मामा ढोरे, ज्ञानेश्वर बेंडे यांच्यासह विविध क्षेत्रांतील प्रमुख नेते, कार्यकर्ते, शिवभक्त आणि मंदिर परिसरातील नागरिक मोठ्या संख्येने उपस्थित होते.