आमदार राजू भैया नवघरे यांच्या सूचनेनंतर प्रभाग ११ मध्ये तातडीने काम; नगरसेवक स्वतः रस्त्यावर!

• आमदार राजू भैया नवघरे यांच्या सूचनेनंतर प्रभाग ११ मध्ये तातडीने काम; नगरसेवक स्वतः रस्त्यावर!

हिंगोली:
हवामान खात्याने दिलेल्या अतिवृष्टीच्या इशाराच्या पार्श्वभूमीवर आमदार राजू भैया नवघरे यांनी नागरिकांना सतर्कता बाळगण्याचे आवाहन केले होते. केवळ आवाहन करून न थांबता, त्यांच्या सूचनेचे पालन करत वसमत येथील प्रभाग क्रमांक ११ मधील लिंबोणी नगर आणि तथागत नगर परिसरात नगरसेवकांनी तात्काळ प्रभागात धाव घेऊन मदतकार्य सुरू केले.
पावसाच्या पाण्यामुळे ज्या ज्या ठिकाणी पाण्याचा निचरा होण्यात अडथळा (ब्लॉकेज) निर्माण झाला होता, तिथे तातडीने जेसीबी (JCB) यंत्रणा आणि मजुरांच्या मदतीने अडकलेले पाणी बाहेर काढण्यात आले. पाणी साचल्याने नागरिकांची होणारी गैरसोय टाळण्यासाठी नाल्यांची सफाई करून पाण्याचा प्रवाह सुरळीत करण्यात आला.
विशेष म्हणजे,नगरध्यक्ष प्रतिनिधी कनया बाहेती व नगरसेवक धीरज कुलथे स्वतः उपस्थित राहून हे संपूर्ण काम करून घेत होते. लोकप्रतिनिधी स्वतः मदतीसाठी रस्त्यावर उतरल्याचे पाहून लिंबोणी नगर व तथागत नगर परिसरातील नागरिकांनी समाधान व्यक्त केले असून, आमदार नवघरे व नगरसेवकांच्या या तत्परतेचे कौतुक होत आहे.