वसमतमध्ये जनसेवेचा महायज्ञ! आमदार राजू भया नवघरे यांच्या पुढाकाराने भव्य महा रक्तदान शिबिर संपन्न; तब्बल ७२४ रक्तदात्यांचे विक्रमी योगदान

वसमतमध्ये जनसेवेचा महायज्ञ! आमदार राजू भया नवघरे यांच्या पुढाकाराने भव्य महा रक्तदान शिबिर संपन्न; तब्बल ७२४ रक्तदात्यांचे विक्रमी योगदान

वसमत (विशेष बातमी):

“रक्तदान हेच श्रेष्ठ दान… मानवतेसाठी सर्वोच्च योगदान!” हा उदात्त विचार प्रत्यक्ष कृतीत आणत, महाराष्ट्राचे दिवंगत उपमुख्यमंत्री स्व. अजितदादा पवार यांच्या जयंतीनिमित्त आयोजित ‘जनसेवा सप्ताहा’अंतर्गत वसमत येथे मानवतेचा महायज्ञ पार पडला. वसमत विधानसभा मतदारसंघाचे लोकप्रिय आमदार मा. राजू भया नवघरे यांच्या विशेष पुढाकारातून आज स्थानिक मयूर मंगल कार्यालय, वसमत येथे भव्य ‘महा रक्तदान शिबिर’ अत्यंत उत्साहपूर्ण आणि शिस्तबद्ध वातावरणात यशस्वीरीत्या संपन्न झाले.
🩸आमदार संतोषराव बांगर यांच्या हस्ते दिमाखदार उद्घाटन
या सामाजिक उपक्रमाचे उद्घाटन आमदार राजू भया नवघरे यांच्या संकल्पनेतून, त्यांचे सहकारी तथा कळमनुरी विधानसभेचे कर्तव्यदक्ष आमदार मा. संतोषराव बांगर यांच्या शुभहस्ते उत्साहात पार पडले. याप्रंसगी परिसरातील अनेक प्रमुख पदाधिकारी, कार्यकर्ते आणि मान्यवरांची आदरणीय उपस्थिती होती.
वसमतकरांचा अभूतपूर्व प्रतिसाद: ७२४ बाटल्या रक्त संकलित!
वसमत विधानसभा मतदारसंघातील जनतेने सामाजिक भान जपत या शिबिराला ऐतिहासिक व अभूतपूर्व प्रतिसाद दिला. तरुण-तरुणींपासून ते ज्येष्ठ नागरिकांपर्यंत सर्वांनीच यात हिरीरीने भाग घेतला. दिवसभरात तब्बल ७२४ रक्तदात्यांनी रक्तदान करून सामाजिक बांधिलकी जपली आणि गरजू रुग्णांच्या आयुष्यात आशेचा किरण निर्माण केला.

“रक्तदान म्हणजे जीवनदान; आणि जीवन वाचवण्याइतके मोठे पुण्य दुसरे नाही.”
— आमदार राजू भया नवघरे

स्व. अजितदादा पवार यांना रक्ताच्या प्रत्येक थेंबातून खरी आदरांजली
शिबिराच्या यशस्वितेनंतर बोलताना आमदार राजू भया नवघरे यांनी सर्व रक्तदात्यांचे आणि सहकाऱ्यांचे मनापासून आभार मानले. ते म्हणाले, “प्रत्येक रक्तदात्याने दिलेला रक्ताचा हा अमूल्य थेंब अनेक गरजू रुग्णांना नवजीवन देणारा ठरेल. समाजसेवेच्या या पवित्र कार्यातून आणि जनसेवेच्या या महायज्ञाच्या माध्यमातून आपण सर्वांनी स्व. अजितदादा पवार यांना खऱ्या अर्थाने भावपूर्ण आदरांजली अर्पण केली आहे.”
मनःपूर्वक आभार व कृतज्ञता
या भव्य उपक्रमाच्या यशस्वी आयोजनासाठी मोलाचे योगदान देणारे सर्व रक्तदाते, डॉक्टर, वैद्यकीय पथक, स्वयंसेवक, विविध संघटनांचे पदाधिकारी, कार्यकर्ते आणि वसमत मतदारसंघातील नागरिक यांचे आमदार राजू भया नवघरे यांनी मनःपूर्वक आभार व्यक्त केले आहेत. वसमतमध्ये पार पडलेल्या या ऐतिहासिक महा रक्तदान शिबिराचे सर्वच स्तरातून कौतुक होत आहे.