वसमत नगरपरिषदेत स्वातंत्र्य दिन मोठ्या उत्साहात साजरा; नगराध्यक्ष सौ. सुनिता बाहेती यांच्या हस्ते ध्वजारोहण!

वसमत नगरपरिषदेत स्वातंत्र्य दिन मोठ्या उत्साहात साजरा; नगराध्यक्ष सौ. सुनिता बाहेती यांच्या हस्ते ध्वजारोहण!

लोकमंच टाईम्स:हरनामसिंग चव्हाण

वसमत:
भारतीय स्वातंत्र्य दिनाचा सण वसमत नगरपरिषद कार्यालयाच्या प्रांगणात अत्यंत उत्साही, देशभक्तीपर आणि मांगल्यमय वातावरणात साजरा करण्यात आला. देशाला स्वातंत्र्य मिळवून देण्यासाठी आपल्या सर्वस्वाचा त्याग करणाऱ्या हुतात्मा स्वातंत्र्यसैनिक, महान क्रांतिकारक आणि देशभक्तांच्या स्मृतीस याप्रसंगी विनम्र अभिवादन करण्यात आले.
या सोहळ्याचे मुख्य आकर्षण म्हणजे वसमत नगरीच्या प्रथम नागरिक महिला तथा नगराध्यक्षा सौ. सुनिता मनमोहन बाहेती यांना ध्वजारोहणाचा बहुमान मिळाला. सौ. बाहेती यांच्या हस्ते अत्यंत थाटात आणि सन्मानपूर्वक तिरंगा फडकवण्यात आला. राष्ट्रगीत आणि देशभक्तीपर घोषणांनी संपूर्ण परिसर दुमदुमून गेला होता.
मान्यवरांची उपस्थिती आणि देशभक्तीचा जल्लोष
या सोहळ्याला वसमत नगरपरिषदेचे मुख्याधिकारी, सर्व सन्माननीय नगरसेवक, नगरपरिषदेचे कर्मचारी, परिसरातील नागरिक, महिला भगिनी आणि ज्येष्ठ नागरिक मोठ्या संख्येने उपस्थित होते. सर्वांनी एकत्र येत परस्परांना स्वातंत्र्य दिनाच्या मनःपूर्वक शुभेच्छा दिल्या.
ध्वजारोहणानंतर उपस्थितांना संबोधित करताना नगराध्यक्षा सौ. सुनिता बाहेती यांनी वसमत शहराच्या विकासाचा आणि समृद्धीचा संकल्प व्यक्त करत सर्व नागरिकांना स्वातंत्र्य दिनाच्या हार्दिक शुभेच्छा दिल्या. कार्यक्रमाचा निरोप घेताना परिसर “जय हिंद… जय महाराष्ट्र!” च्या जयघोषाने गुंजून उठला.