रिपब्लिकन युवा सेनेचा आक्रमक पुढाकार: वसमतमधील अंगणवाडी सेविका व मदतनिस पदभरतीसाठी मेघनाताई बोर्डीकर यांना निवेदन!

रिपब्लिकन युवा सेनेचा आक्रमक पुढाकार: वसमतमधील अंगणवाडी सेविका व मदतनिस पदभरतीसाठी मेघनाताई बोर्डीकर यांना निवेदन!

लोकमंच टाईम्स: हरणामसिंग चव्हाण

वसमत शहर व तालुक्यातील अंगणवाडी सेविका आणि मदतनिसांची रिक्त असलेली पदे तात्काळ भरण्यात यावीत, या प्रमुख मागणीसाठी रिपब्लिकन युवा सेनेचे जिल्हा महासचिव आकाश दातार यांच्या नेतृत्वाखालील शिष्टमंडळाने राज्याच्या राज्यमंत्री मा. मेघनाताई बोर्डीकर यांची सदिच्छा भेट घेऊन त्यांना सविस्तर निवेदन सुपूर्द केले.
तालुक्यातील अनेक अंगणवाड्यांमध्ये गेल्या काही काळापासून सेविका व मदतनिस यांची पदे रिक्त असल्याने बालकांचे पोषण, आरोग्य सेवा आणि पूर्वप्राथमिक शिक्षणावर विपरीत परिणाम होत आहे. ही बाब लक्षात घेऊन आकाश दातार यांनी या समस्येकडे थेट राज्य सरकारचे लक्ष वेधले आहे.
निवेदनातील प्रमुख मागण्या:
तात्काळ पदभरती: वसमत शहर व ग्रामीण भागातील अंगणवाडी सेविका व मदतनिसांची सर्व रिक्त पदे त्वरित भरण्यात यावीत.
कामाचा ताण कमी करणे रिक्त पदांमुळे कार्यरत कर्मचाऱ्यांवर पडणारा अतिरिक्त ताण थांबवून बालविकास योजना सुरळीत करावी.
स्थानिक महिलांना रोजगार पदभरतीमुळे परिसरातील सुशिक्षित महिलांना रोजगाराची नवीन संधी उपलब्ध करून द्यावी.
भेटीदरम्यान राज्यमंत्री मेघनाताई बोर्डीकर यांनी निवेदनाचा सकारात्मक विचार करून या संदर्भात संबंधित विभागाच्या वरिष्ठ अधिकाऱ्यांशी चर्चा करून लवकरात लवकर योग्य ती कारवाई करण्याचे आश्वासन दिले आहे. रिपब्लिकन युवा सेनेच्या या तत्पर पुढाकाराचे तालुक्यातील नागरिकांमधून आणि महिला वर्गातून मोठे स्वागत केले जात आहे.